Vaqt Yangi Uzbek Film — TRAYLERI SharofSharapov NEWS

Yosh ijodkorlar tomonidan yaratilayotgan yangi kinokartina tez kunlarda katta ekranlarga chiqishi kutilmoqda. Bugungi kunda muammolarni o’z syujetida aks ettirgan, hayotiy voqealarga asoslangan yangi film «Vaqt» deya nomlangan. Nima uchun vaqt?… Vaqt inson hayotining har bir daqiqasi, har bir oni hisoblanadi. Vaqtni qanday taqsimlash va uni nimalarga sarflash esa har bir inson oldidagi eng murakkab jarayondir. Murakkabligi shundaki, ko’pchilik umrning qadriga yetmay, vaqtni behuda o’tkazadi, so’ng esa hayoti o’tib ketganini sezmay qoladi.
Film ijodkorlarining oldiga qo’ygan maqsadi, bugungi kunda ayrim yoshlar to’g'ri yo’ldan adashib, giyohvandlik, bezorilik kabi illatlarga o’ralashib qolayotganlari va bu yomon holatlarga olib kelayotganini ko’rsatib, yoshlarga hayotning qadriga yetishlari, o’zaro munosabatlarda samimiylik, insoniylik kabi fazilatlarga ko’proq e’tibor berishlarini uqdirishdan iborat edi.
1428500603_img_20150408_1807441428500555_img_20150408_180812
Tragik melodramma janrida suratga olingan mazkur kartina Nona taxallusi bilan tanilgan Nodira Murodxo’jayeva rejissyorligida yaratilgan bo’lib, unda bosh rollarni yosh aktyorlar ijro etishgan. Bir necha videokliplardagi rollari bilan nazarga tushgan umidli ijodkor Sharof Sharapov, Layli Guseynova hamda Mardon Otajonovlar asosiy obrazlarni talqin etishgan. Shuningdek, taniqli aktyorlar Elyor Nosirov, Barno Qodirova, Gulhumor Abdullayeva, Sayyora Nazirova, yosh xonanda Jahongir hamda «E’tirof – 2014» mukofoti sovrindori, raqqosa Shodiyora Omonova ishtirok etishgan.
Filmni tasvirga olishda operatorlik vazifasini Sherzod Umarov bajargan. Ayni kunda ovozlashtirish ishlari olib borilayotgan kartinaning montaj jarayonida Asadilla Ziyaxadjayev rejissyorlik qilgan.
«Vaqt» kinofilmi rejissyori Nonaning aytishicha, hayotda sodir bo’lgan real voqealarni jonlantirgan mazkur film, kimning xotirasiga bag’ishlanganini premyera kuni ma’lum qilinadi.

One Reply to “Vaqt Yangi Uzbek Film — TRAYLERI SharofSharapov NEWS”

Добавить комментарий